Wer isch de Held oder Depp vom Tag?

Wer isch de Held oder Depp vom Tag? -­‐
Da sich hüt na niemert bsunders guet oder schlecht ufgführt het, gits hüt weder en Held na en Depp vom Tag. Bestrafig vom Chlüüperli-­‐Spiel De Silex het de Chueche müesse mit em Gsicht esse, anschtatt mit Bschteck. Erklärig zum Chlüperlispiel Über de ganz Tag isch es Chlüpperli im Umlauf wo mer anenand muss amache. Wenn mer das Chlüperli findet, muess mer das a öper anderem amache, denn irgend wenn ischs Spiel fertig und denn wird usgmacht wer s Chlüperli het. De wos het de bechont e Straf, die wechsled jede Tag. Was händ mir hüt gmacht Mir hend eus am Morge früe troffe und sind mit em Zug bis uf St.Galle gfahre. Z St. Galle hend mir iemne Park z’Mittag gesse und hend Spili gschpilt, wo mer richtig Eier brucht. Nämlich hend mer bi allne Spieli d Bäll ersetzt mit Eier wie zum Bispiel: Eier Boccia, Eier Schnapp-­‐Ball und wiiiteri Stafette mit Eier. Nach dene Spieli sind mer mit em Zug wiiter gfahre und sind ohni Murre und Knurre bis zu eusem Huus glofe. Wo mir den Antlich bim Lagerhus acho sind, hend mer in aller Rueh chöne ipuffe. Nach dene gmüetliche Minute sind mer ufd Musketier gstosse, wo nach es paar chlinere Prüefige beschlosse hend, dass sie eus i ihri Gang wend ufne. S Znacht isch richtig guet gsi (ich hoff das blibt e so☺). Aber nach dem kurze Festmahl hend mer scho eusi Antli gmacht und hend mitenand d Lagerregle ufgstellt. Mir hoffed es sind all zfride demit. Nach all dem Stress hends na en gmüetliche Abig uf de Wiise ge, wo zu eusem Hus ghört. Mer hend Ball, Seili und na villes anderi meh mitgna, zum mitenand spiele und s loschtig ha. Zum Glück heds nachane grad Dessert ge (wo mer alli mit de Händ gässe hend, ussert de Silex) und nach em Zääputze und Pischi allege isch eus na es Guet-­‐Nacht-­‐Gschichtli verzellt worde. Sprüche und Witze des Tages D Frau Bieber gstaat ihrem Maa a ihrem 45 Geburtstag, dass sie es wiiters Mal vo ihm schwanger isch. Da antwortet ihren Maa i aller Rueh: Macht nüüt, ich han gern gfüllte Bieber. ☺