Datei herunterladen

Wat bi ’t Rode Krüz gellen sall
Wi arbeiten för den Minschen
Wecker up ’t Schlachtfeld verwundt ward, för den sall sorgt warden. Dorüm sett sick dat
Rode Krüz in ’t Uutland un in ’t eigen Land dorför in, dat dat ierst gor nich sowiet kümmt, dat
de Minsch lieden möt. Un wenn ’t doch so is, denn helpen wie em. Wi sünd dor för dat Läben
un de Gesundheit un dorför, dat de Minsch acht ’t un iehrt ward. So bringen wi de Minschen
vorän, dat se sick bäter verstahn, in Fründschaft tausamenarbeiten un up Duer Freden
hollen.
Wi kennen kein' Parteien
För uns von ’t Rode Krüz is dat ganz egal, tau wat för ’n Staat, Rass’, Religion, Stand oder
Partei einer taugehürt. Wi wullen blot dit: de Minschen soväl Hülp gäwen, as se bruken, un
de dat an ’n nödigsten hebben, de tauierst.
Wi sünd neutral
Jeder möt Vertrugen tau uns behollen. Dorüm mengt sick dat Rode Krüz nie dortwischen,
wenn sick weck in de Wull hebben, wiel dat se politischen oder religiösen Striet hebben oder
wiel dat se nah ehr Rass’ oder Gedanken ünnerschiedlich sünd, oder wenn se gor
upenanner losgahn.
Wi sünd nich afhängig
Jede nationale Rode-Krüz-Gesellschaft richt ’t sick nah de Gesetze in ehr Land un steiht de
Behörden bi ehre humanitäre Arbeit bi; liekers sall se eigenstännig blieben, so dat se tau
jede Tied so hanneln kann, as ehr dat för richtig un anmäten schient. Un dat heit: unafhängig
von all un jeden.
Wi arbeiten friwillig
Wecker bit ’t Rode-Krüz-Gesellschaft mithelpt, de deiht dat friwillig un nich för sin eigen
Vördeil.
Dat Rode Krüz giwwt 't blot einmal
In ein Land kann dat blot eine Rode-Krüz-Gesellschaft gäben. Se is för alle Lüd dor un deiht
ehren Deenst överall in ’t Land.
Dat Rode Krüz giwwt 't up de ganze Welt
Dat is ein Telt, dat sick weltweit utspannt. Dorünner het jede einzelne Gesellschaft dat glieke
Recht as wie de annern, un jede het de Pflicht, de annern tau helpen.
Wi arbeidt för den Minschen
´keen op´t Schlachtfeld verwundt warrt, för den schall sorgt warrn. Darüm sett sik dat Rode
Krüüz in´t Uutland un in´t egen Land daarför in, dat dat eerst gaar ni so wiet kummt, dat de
Minsch lieden mutt. Un is dat ni anners, so hölpt wi em. Wi streevt för Leben un Gesundheit
un dat de Minsch ehrt un acht warrt. So bringt wi de Minschheit vöran, dat se sik beter
versteiht, in Fründschaap tosamenarbeidt un op Duer Freden hölt.
Wi kennt keen Paeteien
För uns vun´t Rode Krüüz is dat gan z enerlei, to wat för´n Staat, Raas, Religion, Stand oder
Partei een tohöört. Wi wööt bloot een Deel: den Minschen soveel Hölp geben, as he bruukt,
toeerst dee, dee dat am nödigsten hebbt.
Wi sünd neutral
Jedereen mutt Tovertruun to uns beholen. Darum stickt sik dat Rode Krüüz to kennTied
daartwüschen, wenn Lüüd sik inne Wull hebbt, wiel se politisch oder religiös ni op een Stück
kaamt oder naa eer Raas oder eer Gedanken verscheden sünd, oder wenn se gaart op
´nanner daalgaht.
Wi sünd ni afhängi
Wenn ok de nationalen Root-Krüüz Gesellschaften de Behörden bi dee eer humanitäre
Tätigkeit to Siet staht un sik naa de Gesetzen in eer Land richten doot, schööt se liekers
egenstänni blieben, so dat se jedertied so hanneln köönt, as se sik dat vörnahmen hebbt: as
Rodle Krüüz, un dat heet, unafhängi vun jedermann.
Wi arbeidt friewilli
´keen bi´t Rode Krüüz mithölpt, deit dat friewilli un ni um sien egen Vördeel.
Dat RodeKrüüz gifft dat man eenmal
In een Land kann dat man een Rode-Krüüz-Gesellschaap geben. Se is för jedermann daar
un deit eeren Deenst överall in´t Land.
Dat Rode Krüüz, gifft dat op de ganze Welt
Dat is'n Telt, dat sik weltwied utspannt. Daarünner hett jede enkelte Gesellschaap dat glieke
Recht as annere , un jede hett de Plicht, de annern to hölpen.